Indien u baba/peuter siek is moet hy/sy verkieslik tuis versorg word om verspreiding van siektes te voorkom. Indien u kleinding by die skool sou siek word, sal ons u dadelik in kennis stel en hom/haar in afsondering hou.
Geen baba/peuter met aansteeklike siektes sal tot die skool toegelaat word nie.
Indien u baba/peuter enige medikasie sou moet ontvang, moet hierdie medikasie aan die betrokke persoon in die klas van die baba oorhandig word. Indien u kleinding medikasie moet ontvang in die oggend moet u dit reeds by die huis toedien. Indien u kleinding medikasie in die middag moet ontvang moet u die regte dosis in 'n spuit, gemerk in 'n sakkie aan die betrokke personeel oorhandig.
Enige allergieë en medikasie verwante allergieë moet aan ons deurgegee word.
Braking: U kleinding moet 24 uur simptoom vry wees sonder medikasie voor hy/sy weer kan skool toe kom.
Diaree: 4 Poefdoeke 'n dag is die limiet, meer as dit moet hy/sy by die huis versorg word. 24 uur simptoom vry sonder medikasie voor hy/sy weer kan skool toe kom.
Koors: Indien u kleinding koors sou kry (38'C) sal ons u in kennis stel en u moet hom/haar kom haal. Indien hy/sy by die huis deur die nag of oggend koors kry hou hom liefs tuis. 24 uur koors vry sonder medikasie.
Uitslag: Indien u kleinding 'n uitslag het hou hom liefs tuis tot ons duidelikheid het van wat dit veroorsaak. (bevestiging met Dr brief)